فوتبول تونيزيان الموقع الرسمي لأخبار الكرة التونسية
توه بعد ماترشحنا لكأس العالم للمرة السادسة وكل مرة نترشحو من عام 1978مشاركتنا تكون للحضور وكهو يعني مركي présence كدولة مشاركة في كأس العالم وانتهى الموضوع وبعد اسبوع من فرحة الترشح والاحاسيس الزايدة متاع الوطنية المفرطة برشة.
اليوم لازم نحكيو بلاش عاطفة ولازم نحكيو بالعقل المنتخب ترشح لكأس العالم وباش نكونو واضحين ماناش هاك الفريق القوي برشة تي حتى في أفريقيا موش في العالم والي مايحبش يسمع الكلام هذا ينافق في روحو اليوم مازال 8 شهور على كأس العالم إلي تصير مرة كل 4 سنوات والمرة هذه باش تصير في دولة عربية وفيها برشة توانسة ولازم نقولو الحقيقة المدرب جلال القادري مع كل احترامنا ليه موش هاك المدرب متاع الي باش يكون على البنك ضد منتخب فرنسا صاحب الكأس العالم الاخيرة والا ضد الدنمارك الفريق الي المهاب في أوروبا وحتى الفرق الاخرى الي ممكن يترشح واحد منهم استراليا والإمارات وبيرو باش مانكذبوش برشة على بعضنا يمكن يكونو خير منا لازم نتكلمو الواقع اليوم مازال 8 شهور والفريق الوطني المستوى متاعو ينجم يكون خير ويتحسن في كأس العالم بشرط يكون مدرب على مستوى كبير ومدرب عالمي باش ينجم يحسن المستوى متاع الفريق في 8 شهور الي مازالو خاطر فما فرصة كبيرة باش نتعدوا للدور الثاني وهذا ماينجمش يكون بالعاطفة ولغة الكفائات التونسية وهاك الكلام متاع الشعبوية.
جلال القادري يعطيه الصحة وقت جات المسؤولية تحملها ونجح اليوم عنا كأس عالم مع مجموعة الي عنا توه بملاعبية مستواهم محترم انجمو نكتبوا ملحمة تاريخية وموش كل مرة يكون عنا ملاعبية في المستوى هذا وموش كل مرة نتعداو فيها مجموعة فيها فرنسا كمرشح والبقية انجمو نتفارعو معاهم لازم نحطوا العاطفة على جنب ونحضرو بالعقل ونوفروا كل حاجة للنجاح واخطانا من المحابات وينجم يكون جلال القادري وكامل الطاقم مع المدرب العالمي في تركيبة الإطار الفني وهكا نكونوا مانحرموهمش من كأس العالم وزادة يكون الفريق في أحسن حال ويكون المدرب في 8 شهور زادهم برشة خبرة وزادهم في المستوى المبالغة في الوطنية برشة برشة موش باهية قبل الوطنية لازم العقل ونغزروا في واقعنا موش نزوقوه ونكذبوا على ارواحنا انا هكا نشوف.
